Habarini Za masiku watu wangu wa nguvu.Nimewamisi sana.
Nilikuwa kimya kidogo,maana majukumu yalinizidi kimo.Si unajua maisha ni kujituma na kuhakikisha kila idara ime balance vyema yani Mungu,Kazi,Familia,Marafiki,Afya Yako,n.k
Sasa katika mahangaiko hayo,nikawa nakula kinachopatikana tu,sikuzingatia sana ni aina gani ya chakula nachokula mfululizo.Nikirudi nyumbani ni usiku nalala.Asubuhi nikiamka ni kujitayarisha,ndani ya gari,mbio ofisini.No mazoezi,No diet watching.Matokeo yake,NIMENENEPAAAA!!Jamani nimenenepa.Nguo nyingine nilizovaa mwaka uliopita december tena kwa kuzishona mwenyewe hazinitoshi!Nimeongezeka kilo 13 ndani ya miezi 11.HAIKUBALIKIIIII.SITAKIIIII.
Kwa hiyo wiki iliyopita nikaanza kuangalia vyakula kwa umakini zaidi.Sijinyimi kula,nahakikisha nashiba,ila nakula mlo 'Salama' yani healthy foods na kunywa maji mengi pamoja na mazoezi ambayo sio mazito sana kama kutembea haraka na kukimbia.Pamoja na hayo,unatakiwa kuwa unahesabu 'Calorie' zako kwa siku ambazo unahitaji kuzi maintain ili uweze kupungua.Kuna Applications nzuri sana tu kwenye internet ikiwemo 'MyFitnessPal' ambayo mimi ninaitumia.
Kwa haraka haraka nikiamka nakunywa kikombe kimoja cha maji vuguvugu yenye mdalasini,tangawizi kidogo,(sio ya unga) na yaliyokamuliwa nusu kipande cha limao.Ni kwamba niliweka mdalasini kijiko kidogo 1 na tangawizi,(sio ya unga)wakati maji yametoka kuchemka.Yakifikia vuguvugu ndio naweka limao.Mimi naweza kuyanywa hivyo lakini kama unaona hayapiti kooni unaweza kuweka kijiko kidogo 1 cha asali mbichi.Baada ya lisaa nakula chakula chenye 'whole grain' kama weetabix cereals pamoja na maziwa yaliyoondolewa mafuta yani 'Skim Milk' au Fat free milk.Chagua cereals zenye low fat na low sugar.Mwili ukiendelea kupiga kelele za njaa nakula karoti moja mbichi.Then nakunywa maji mengi sana.
Naona nisiendelee kuandika maana page itajaa sana.Bado mchana,jioni ngoja nikupe summary ya mlo wangu kwa siku kama inavyoonekana kwenye diary yangu ya 'MyFitnessPal'.
Hizo weetabix utazipata supermarket nyingi tu wanazo au unaweza kuangalia cereals/oats nyinginezo ambazo ni low calorie na low sugar.Hilo chupa hapo juu ni 3.5ltrs na ni lazima nilimalize kwa siku na tena naongeza kama glass mbili.Uzuri ni kwamba napenda maji.
Nitaziondoa kilo 15 kwa awamu kwa wastani wa kilo 4 mpaka 5 kwa kila mwezi.Kupungua haraka sana na ghafla sio vyema kitaalam.Kuna madhara.Kwa ambao mpo interested,tunaweza kufanya pamoja.Kuibia madikodiko kumo mara moja moja sana (sio uibie sufuria zima) lakini hakikisha unatoa calorie zilizoongezeka kwa mazoezi.Kama hutafanya mazoezi basi uwe strict sana na diet.
Ngoja niishie hapa kwa leo,nakutakia siku njema na karibu sana kwenye program ya kupunguza uzito.
.jpg)
1.jpg)
3.jpg)
.jpg)
